МАТЕМАТИКА ДАРСИ
МАТЕМАТИКА ҚЎЙНИ ТЎЛА СИР БЎЛАДИ,
БИРГА БИРНИ КЎПАЙТИРСА — БИР БЎЛАДИ.
ДЕРАЗАДАН МЎРАЛАЙДИ ОЛМА ШОХИ,
УФҚДА БУЛУТ — ЭРТАГА ЁМҒИР БЎЛАДИ...
МАТЕМАТИКА, ЁМҒИРЛАРДА ЧОПГУМ КЕЛУР,
ЖУМБОҒИНГГА МЕН ҲАМ ЖАВОБ ТОПГУМ КЕЛУР.
ДЕРАЗАДАН МЎРАЛАЙДИ БОДОМ ШОХИ,
БОҚҚА ЧИҚИБ ҚЎНҒИЗЛАРНИ ЎПГУМ КЕЛУР.
МАТЕМАТИКА, МЕН ҲАМ ЎЙГА БОТГУМ КЕЛУР,
ЎЙЛАБ-ЎЙЛАБ… ЎЗИНГГА ТОШ ОТГУМ КЕЛУР.
СЕН САМОЛЁТ КАШФ ЭТАСАН, МЕНИНГ ЭСА
ЯЛПИЗ БИЛАН АЧОМЛАШИБ ЁТГИМ КЕЛУР.
МАТЕМАТИКА — ОЙ БЎЛАДИ, ЙИЛ БЎЛАДИ,
ТАНКНИ ТАНККА КЎПАЙТИРСА — КУЛ БЎЛАДИ…
ДУНЁ ҚАЧОН БЎСТОН БЎЛАР, ГУЛ БЎЛАДИ?
АДАБИЁТ ЎЙЛАЙВЕРИБ СИЛ БЎЛАДИ!
МАТЕМАТИКА — ЛОВ-ЛОВ ЁНИБ ТУРГАН ЧЎҒСАН,
СЕНДАН НИМА ЯСАШЛАРИН БИЛГАН ЙЎҚСАН.
ДЕРАЗАДАН МЎРАЛАЙДИ ГИЛОС ШОХИ,
У ҚЎНДОҒИНГ, ЎЗИНГ МИЛТИҚ, ЎЗИНГ ЎҚСАН...
МАТЕМАТИКА, ҚЎЙНИНГ ТЎЛА СИР БЎЛАДИ.
БИРГА БИРНИ КЎПАЙТИРСА — БИР БЎЛАДИ.
ҚОВУРҒАМНИНГ ТАГИДА БИР ҚУМРИ ЙИҒЛАР,
ДОСКАДАН МЕНИ АЙИРСАНГ — ШЕЪР БЎЛАДИ!
МАТЕМАТИКАНИ ЁМОН КЎРАМАН
БАҲОР АДИРЛАРДА ЛОЛА ТЕРАМАН,
ОДАМЛАР ҲАҚИДА ЎЙЛАР СУРАМАН.
ҲАРБИЙДА КЎРГАНИМ ЗИРҲЛИ МАШИНАЛАР,
СНАРЯДЛАРДАН ҒИШТ ЯСАБ,
ОСМОНЎПАР УЙЛАР ҚУРАМАН,
МАТЕМАТИКАНИ ЁМОН КЎРАМАН.
ОРЗУЛАРИМ — ҚАЙСАР ҚАНОТЛАРИМ,
ОСМОНЛАРДА УЧИБ ЮРАМАН.
СИНГЛИМ ОЙНИ ЎПИБ, УКАЛАРИМ —
ЮЛДУЗЛАРНИ ҚУЧИБ ЮРАМАН,
МАТЕМАТИКАНИ ЁМОН КЎРАМАН.
АТОМЛАР — МАТЕМАТИКА.
ВОДОРОДЛАР — МАТЕМАТИКА.
ҚИРУВЧИ САМОЛЁТЛАР,
КРЕМАТОРИЯЛАР — МАТЕМАТИКА!
МАТЕМАТИКАНИ ЁМОН КЎРАМАН.
СЕН ЭСА ШИРИН БИР ДАРДСАН.
СЕН ЯХШИ НИЯТСАН.
ШЕЪРИЯТСАН...
МЕНИНГ ЭРТАГИМСАН
МЕНИНГ ШОДЛИГИМСАН, БОЛАЛИГИМСАН,
МЕНИНГ ҒУССАМ ЎЗИНГ, МЕНИНГ АРМОНИМ.
СЕНИ ОСМОНИМГА ОЛИБ КЕТАМАН,
ЕРДА БИЗГА КУН ЙЎҚ, КУН ЙЎҚДИР, ЖОНИМ!..
ХАТО ҚИЛДИММИКАН МЕН ЭРТА КЕЛИБ,
Ё СЕН АДАШДИНГМИ КЕЛИБ КЕЙИНМИ?
ГОҲО КИМЛИГИНГ ҲАМ БЎЛМАЙДИ БИЛИБ,
СИНГЛИМ ДЕЙМИ СЕНИ, СЕВГИЛИМ ДЕЙМИ?
КЕТ, ДЕБ ҲАЙДОЛМАСАМ НЕТАМАН,
КЕЛ, ДЕБ АЙТОЛМАСАМ НЕТАМАН?
СЕНИ ОСМОНИМГА ОЛИБ КЕТАМАН,
СЕНИ ОСМОНИМГА ОЛИБ КЕТАМАН...
ЎЙЛАМАЙ ДЕЙМАНУ ЎЙЛАМАЙ БЎЛМАС,
ЎТСАНГ СЕН ТОМОН БИР БЎЙЛАМАЙ БЎЛМАС.
СЕН МЕНИНГ ҲАММАДАН ЯШИРГАН СИРИМ,
МЕНИНГ ЭРТАГИМСАН, СЎЙЛАМАЙ БЎЛМАС.
КЕТ, ДЕБ ҲАЙДОЛМАСАМ НЕТАМАН,
КЕЛ, ДЕБ АЙТОЛМАСАМ НЕТАМАН?
СЕНИ ОСМОНИМГА ОЛИБ КЕТАМАН,
СЕНИ ОСМОНИМГА ОЛИБ КЕТАМАН!..
ОРЗУ
ТУҒИЛМАСДАН ОЛДИН МЕН
ЧИҚИБ АРШИ АЪЛОГА,
ОЙНИ ЎПИБ, ҚОЛДИМ МЕН
ЮЛДУЗЛАРДАН БАЛОГА.
ТУҒИЛГАНДАН ТО ШУ ДАМ,
ҚЎМСАБ КЕЧА-КУНДУЗЛАР.
ОЙ ҚАНИ, ДЕБ ЙИҒЛАСАМ,
ҒИЙБАТ ҚИЛАР ЮЛДУЗЛАР...
ҲИҚИЛЛАМА, ҲЕЙ ЮРАК,
ДУНЁ БИЛАН ИШИМ ЙЎҚ.
БЎЛСА МЕНГА ОЙ КЕРАК,
ЮЛДУЗЛАРГА ҲУШИМ ЙЎҚ!
ШОИР
ҒАРИБ ДЕМАНГ ШОИРНИ, ҒАРИБ,
ЕТТИ КЎККА УЧИШИ МУМКИН.
ЕТТИ ҚАВАТ ЕРНИ АҒДАРИБ,
СЎЗНИ — ҚИЗДЕК ҚУЧИШИ МУМКИН!..
БУТУН ЭМАС ШОИРНИНГ НОНИ,
ШОИРЛАРНИНГ ЮРАГИ БУТУН.
ҚАРЗИН УЗМАЙ УЗИЛМАС ЖОНИ,
ҲАҚҚИНИ УНУТИШИ МУМКИН.
ДАРДИН ТИЛГА КЎЧИРМАС ШОИР,
ШОИР ДАРДИН ЮТИШИ МУМКИН.
ҲЕЧ КИМНИ ЗОР КУТТИРМАС ШОИР,
ШОИР ЮЗ ЙИЛ КУТИШИ МУМКИН.
ШОИР АГАР СУЙСА БИРОВНИ,
СЕВИЛМАСА — СУЯР СЕВГИСИН.
ЁРГА ЎЗИ ТОПИБ КУЁВНИ,
ТЎЙДА ЎЙИН ТУШИШИ МУМКИН...
ҲЕЧ КИМСАГА ЎХШАТМАС ШОИР,
БИР СЕВГАНИН ЮРАКДАН ЛЕКИН.
КЎЗЁШИНИ КЎРСАТМАС ШОИР —
ШОИР ФАҚАТ… «ИЧИШИ» МУМКИН!
ЎЗБЕК ҚИЗЛАРИ
БУ МОМО ҲАВОДАН УЛАРГА ОДАТ:
УШЛАСА ГУЛ УШЛАР ҚЎЛИНИ ФАҚАТ,
КУЁВГА ЧИҚМАГАН ЎЗБЕК ҚИЗЛАРИН
ЎПСА ФАҚАТ ШАМОЛ ЎПАР ЮЗЛАРИН.
БУ МОМО ҲАВОДАН УЛАРГА ОДАТ:
НОЗИК БЕЛДА ҚИРҚТА КОКИЛИ ҚАВАТ,
СИЛАСА ЁМҒИРЛАР СИЛАЙДИ ФАҚАТ,
КЎРСА ФАҚАТ ОСМОН КЎРАР КЎЗЛАРИН —
КУЁВГА ЧИҚМАГАН ЎЗБЕК ҚИЗЛАРИН.
ЖИЛМАЙСА НУР ЁҒАР ГУЛ ЁНОҚЛАРДАН,
СИР ЯШИРАР ҲАТТО ҚИЗҒАЛДОҚЛАРДАН.
ОФТОБ БОТГАНДАН СЎНГ ХИЛВАТ БОҒЛАРДАН,
БЕҲУДА ИЗЛАМАНГ СИРА ИЗЛАРИН —
КУЁВГА ЧИҚМАГАН ЎЗБЕК ҚИЗЛАРИН.
КЎНГЛИ ДАРЁДАЙ КЕНГ, МЕҲРИ УЛУҒВОР,
ДУГОНАСИ ҲАЁ, СИНФДОШИ ОР.
АЙТИНГ, ФАРИШТАДАН НИМА ФАРҚИ БОР,
КУЁВГА ЧИҚМАГАН УЗБЕК ҚИЗЛАРИН?..
БАРДОШИ ОЛДИДА ТОҒ — ОДДИЙ ТУПРОҚ,
УЛАР ЭТАГИДАН ЖАННАТ БИР ҚАДАМ.
БЕАЙБ ПАРВАРДИГОР, ДЕГАНДЕК БИРОҚ,
ЙЎҚ ЭМАС КИЧКИНА КАМЧИЛИГИ ҲАМ:
СЕВАДИ,
КУЯДИ,
ҚИЛАДИ АЛАМ,
ДОРГА ОСИНГ, АММО АЙТМАС БИРОВГА.
АЙТМАЙ СЕВИШИНИ СЕВГАНИГА ҲАМ,
ТЕГИБ КЕТАВЕРАР БОШҚА КУЁВГА!
КУМУШ
МАРҒИЛОНДА КУМУШНИ КЎРДИМ,
КЎЗИГА ЁШ ТЎЛИБ ТУРИБДИ.
СОЧЛАРИНИ МАЙДАЛАБ ЎРИБ,
ОТАБЕКНИ ИЗЛАБ ЮРИБДИ.
ТОНГДА ТУРИБ ҚАЛАМ ҚОШИГА
ЎСМА ҚЎЙГАН ЭКАН — ҚУРИБДИ.
КЎЗДАН ОҚҚАН АЧЧИҚ ЁШИГА,
ЎСМАСИНИ ЮВИБ ТУРИБДИ...
МЕНИ БИР ЎЙ ҚИЙНАЙДИ ЁМОН,
ЯНА ЮРАК ЎЙНАДИ ЁМОН.
ҚЎЙВОР ЗАМИН, ҚЎЙВОР ОСМОН,
МЕН УЙИМГА ЕТАМАН ҚАЧОН?
УЧИБ КЕЛДИМ УЙИМГА ОМОН,
БЕШЁҒОЧДА ГУЛЛАБДИ ЎРИК…
ТОШКЕНТГА ҚИЗ БЕРМА, МАРҒИЛОН,
ҚОДИРИЙ ЙЎҚ. ЗАЙНАБЛАР ТИРИК.
ГДЛЯН
АЛПОМИШ ЧАМБИЛДА,
ГЎРЎҒЛИ ГЎРДА,
ҲАҚИҚАТ БЕШИКДА УХЛАРДИ ҚОТИБ.
БИР ЖОМ ОЛТИН СЎРАБ,
ҚИЛИЧ ЎЙНАТИБ,
КИРИБ КЕЛДИ ҚАШШОҚ ЎЗБЕК ЕРИГА
ТЕЛЬМАН ХОРЕОНОВИЧ… БЕРИЯ!..
УЙИНГ КУЙДИ, ЎЗБЕК,
ШЎРИНГ ҚУРИДИ.
ПОЙГАГИНГ ҚУРИДИ,
ТЎРИНГ ҚУРИДИ.
ДЕҲҚОНИНГ,
ЧЎПОНИНГ —
ПАХТА ЧОПОНИНГ,
ОРТИНГДАГИ ҲАММА ЗЎРИНГ ҚУРИДИ.
ОТАНГНИ СОТИШСА, ИЗЛАМАДИНГ ҲАМ,
БОЛАНГНИ ОТИШСА, ЙИҒЛАМАДИНГ ҲАМ.
ЙИҒЛАСАНГ ҲАМ ПАХТА ТЕРИБ ЙИҒЛАДИНГ,
ҚОТИЛГА ТОПГАНИНГ БЕРИБ ЙИҒЛАДИНГ…
ЭЛИМ, ДЕБ КИМ КУЙСА —
БАРИ ҚАМАЛДИ,
КИМКИ ЕРИН СУЙСА —
БАРИ ҚАМАЛДИ.
ЖАЛЛОДНИНГ ҒАЗНАСИ ТЎЛГУНЧА ЗАРГА,
СЕНИНГ БЎЗ КЎЙЛАГИНГ МИНГ БОР ЯМАЛДИ.
ЭЙ, СЕН, СОДДА ХАЛҚИМ,
ҒАМБОДА ХАЛҚИМ,
СЕН БИР КУН ТИНГАН КУН ОЛАМ ОЧ ҚОЛАР.
СЕН БИР КЕТМОН УРГАН ДАЛАНГДА ДУНЁ
ЮЗ ЙИЛ ЁТИБ ЕСА ЕТГАЙ БОЖ ҚОЛАР.
СЕНИНГ ПОКЛИГИНГГА ШУБҲА ҚИЛМАСМАН,
МЕН СЕНИ БИЛМАСАМ ГАР — ЎҒИЛМАСМАН.
ФАҚАТ БОШИНГ ЧИҚМАС МУДОМ МЕҲНАТДАН,
ФАҚАТ ТИЛИНГ ҚАЧОН ЧИҚАР, БИЛМАСМАН!..
АЛПОМИШ ЭРТАКДА,
ГЎРЎҒЛИ ГЎРДА,
ТЎМАРИС БЕШИКДА УХЛАРДИ ҚОТИБ.
БИР ҚОП ОЛТИН СЎРАБ ҚИЛИЧ ЎЙНАТИБ
КИРИБ КЕЛДИ МЎМИН ЎЗБЕК ЕРИГА —
ТЕЛЬМАН ХОРЕОНОВИЧ… БЕРИЯ.
ЎЗБЕКНИНГ АЁЛЛАРИ
УХЛАМАЙДИ ТУНЛАРИ,
ОЙ НУРЛАРИ ТАРАЛГАН.
ЎЗБЕКНИНГ ХОТИНЛАРИ
ФАРЗАНД УЧУН ЯРАЛГАН.
ЙИЛДАН УЗУН КУНЛАРИ,
КИМ КЎНГЛИНИ СЎРОЛГАН?
ЎЗБЕКНИНГ ХОТИНЛАРИ
МЕҲНАТ УЧУН ЯРАЛГАН.
ҚИРҚ ЙИЛ ҚИРҒИН БЎЛСА ҲАМ,
ЎЗ АҲДИДА ТУРОЛГАН.
ЎЗБЕКНИНГ ХОТИНЛАРИ
ТОҚАТ УЧУН ЯРАЛГАН.
ЁТ ОЛДИДАН САЛ НАРИ
ҚАЧОН КОКИЛ ЎРОЛГАН?
ЎЗБЕКНИНГ ХОТИНЛАРИ,
ИФФАТ УЧУН ЯРАЛГАН...
ЎЗБЕКНИНГ АЁЛЛАРИ,
ЎЗБЕКНИНГ ХОТИНЛАРИ,
СУВДАН ҲАЛОЛ,
ГУЛДАН ПОК,
ҚЎЛЛАРИ ОЛТИНЛАРИ,
ҚАЙ ТОМОНГА БУРСА ЮЗ,
ЙЎЛЛАРИ ОЛТИНЛАРИ —
ИЗЗАТ УЧУН ЯРАЛГАН!
САМАРКАНД
САМАРҚАНДГА БОРСАМ МЕН АГАР,
УЛУҒБЕКНИ КЎРИБ ҚАЙТАМАН.
У ҚОН ЙИҒЛАБ ТУ PAP ҲАР САФАР:
МЕН ДАРДИМНИ КИМГА АЙТАМАН?..
БАҒРИМДА БЎЙ ЕТГАН БЎЗ БОЛАМ,
МЕРГАН БОЛАМ, ЛОЧИН КЎЗ БОЛАМ,
БЎҒЗИМГА ТИҒ УРГАН ЎЗ БОЛАМ…
МЕН ДАРДИМНИ КИМГА АЙТАМАН.
СЕЗМАЙ ҚОЛДИМ. ЎШАНДА ЧОҒИМ,
ЮЛДУЗЛАРДА ЭКАН НИГОҲИМ.
БИЛМАДИМ НЕ ЭДИ ГУНОҲИМ…
МЕН ДАРДИМНИ КИМГА АЙТАМАН.
ҚАНЧА ҒАМГА БОТМАГАН ЭДИМ,
КДНЧА ОҒУ ЮТМАГАН ЭДИМ…
ЎЗ БОЛАМДАН КУТМАГАН ЭДИМ…
МЕН ДАРДИМНИ КИМГА АЙТАМАН.
ТАНИМ МУЗЛАБ, ГОҲ ТОШ ҚОТАМАН,
МЕН ШОҲ ЭМАС, АХИР, ОТАМАН.
ГЎРИМДА ҲАМ ЎЙЛАБ ЁТАМАН,
МЕН ДАРДИМНИ КИМГА АЙТАМАН?..
САМАРҚАНДГА БОРСАМ МЕН АГАР,
УЛУҒБЕКНИ КЎРМАЙ КЕЛМАЙМАН.
У МЕНГА ҚОН ЙИҒЛАР ҲАР САФАР,
МЕН ДАРДИМНИ КИМГА АЙТАМАН!
ТАВАЛЛУД
ҚИРҚ ЙИЛ...
ҚАНЧА ҚУШЛАР КЕТИБ, ҚУШЛАР ҚАЙТДИ,
МЕНГА МЕҲНАТ ЙЎРГАГИМДАН ЮҚҚАН ЭКАН.
АРАНГ АНГЛАБ ОЛДИМ, СОҚОВ АКАМ АЙТДИ —
ОНАМ МЕНИ ПАХТАЗОРДА ТУҚҚАН ЭКАН.
СОҚОВ ДЕДИМ.
АКАМ АСЛИ ДУДУҚ БИР ОЗ,
АСЛИ ШОИР ЎША ЎЗИ — МЕН ТИЛМОЧМАН.
ДИЛИ ТЎЛА ДАРД-У САЙРОЛМАЙДИ ХОЛОС,
У БИР БУЛБУЛ БЎЛСА, МЕН БИР ҚАЛДИРҒОЧМАН.
ЯХШИЯМКИ СОҚОВ, —
АММО ДОНО СОҚОВ,
СЎЗНИ САЙЛАБ ЁЗГИН, КЎНГИЛ ТЎЛСИН, ДЕЙДИ.
У СОҒ БЎЛСА БИЗЛАРГА НОН ТЕГМАСДИ-ЁВ,
У СОҒ БЎЛСА БИЗЛАРГА ЙЎЛ БЎЛСИН ЭДИ...
ЮРТИМ, ОМОН БЎЛСИН БАРИ БОЛАЛАРИНГ,
ВА УЛАРГА ДОЯ, ТУҒРУҚХОНАЛАР ҲАМ.
ОМОН БЎЛСИН УФҚҚА ТУТАШ ДАЛАЛАРИНГ,
ДАЛАЛАРДА БИЗНИ ТУҚҚАН ОНАЛАР ҲАМ.
ЯХШИ
ХУРШИД ДАВРОНГА
ЭЙ ДЎСТЛАРИМ, ДУНЁДА
ОРТДА ҚОЛГАН ИЗ ЯХШИ,
БУЛБУЛИ ЙЎҚ БАҲОРДАН
ҚУМРИ ТЎЛА КУЗ ЯХШИ.
МИННАТ ТЎЛА ХАЛВОДАН
АЙВОНДАГИ МУЗ ЯХШИ,
ЎПИЧ КЎРГАН ПАРИДАН
СЕПКИЛ ТОШГАН ЮЗ ЯХШИ,
ИЧМАСАНГ ҲАМ ҚИМИЗ ЗЎР,
ҚУЧМАСАНГ ҲАМ ҚИЗ ЯХШИ.
ЭЙ ДЎСТЛАРИМ, ДУНЁДА
ОРТДА ҚОЛГАН ЁД ЯХШИ,
ТЎҚЛИГИНГДА ЙЎҚЛАГАН
ҚАРИНДОШДАН ЁТ ЯХШИ,
ЎНТА НОМАРД ДЎСТИНГДАН
БИТТА ЧЎЛОҚ ОТ ЯХШИ.
ОЛИСДАГИ ОЛТИНДАН
ҚУЧОКДАГИ ГАРД ЯХШИ,
ВАФОСИ ЙЎҚ ХОТИНДАН
ДАВОСИ ЙЎҚ ДАРД ЯХШИ,
ҒАЛАМИС БЕРГАН ҒАЗНАДАН
БУРДА АРПА НОН ЯХШИ,
ҚИРҚТА ЧАЛА МУЛЛАДАН
БИТТА МУСУЛМОН ЯХШИ.
ИҚРОР
О, ОТА МАКОНИМ.
ОНАЖОН ЎЛКАМ,
ЎЗБЕКИСТОН, ЖОНИМ ТЎШАЙ СОЯНГГА.
СЕНДАЙ МЕҲРИБОН ЙЎҚ,
СЕНИНГДЕК КЎРКАМ.
РИМНИ АЛИШМАСМАН БЕДАПОЯНГТА.
БИР ГЎША СУВ БЎЛСА, БИР ГЎША ҚИРЛАР,
ҚАНЧА ЮРТНИ КЎРДИМ, ҚАНЧА ТАҚДИРЛАР.
ҚАЙГА БОРСАМ СУЯБ, БОШНИ ТИК ТУТ ДЕБ,
ТОҒЛАРИНГ ОРТИМДАН ЭРГАШИБ ЮРАР.
КЎРДИМ СУЛУВЛАРНИНГ ЭНГ ФАРАНГЛАРИН.
Ё ХУДБИНМАН МЕН Ё БИР СОДДА КАСМАН МЕН –
ПАРИЖНИНГ ЭНГ ГЎЗАЛ РЕСТОРАНЛАРИН,
БИТТА ТАНДИРИНГГА АЛИШМАСМАН МЕН.
НА ГАПГА КЎНАЙИН,
НА ТИЛ БИЛАЙИН,
КЎЗДАН УЙҚУ ҚОЧДИ, ДИЛДАН ҲАЛОВАТ -
УЧ КУНДА СОҒИНСАМ НИМА ҚИЛАЙИН,
ЧАЛА ҚОЛАР БЎЛДИ ҲАММА САЁҲАТ.
БИЛДИМКИ, БАРИДАН УЛУҒИМ ЎЗИНГ,
БИЛДИМКИ, ЯҚИНИ ШУ ТУПРОҚ МЕНГА.
БАҲОРДА БАХМАЛДА ТУҒИЛГАН ҚЎЗИНГ,
АРАБ ОҲУСИДАН АЗИЗРОҚ МЕНГА.
СЕН БИЛАН ЎТГАН ҲАР КУН БАЙРАМ – БАЗМ,
СЕНСИЗ БИР ОН ҚОЛСАМ ВАҲМИМ КЕЛАДИ.
СЕНИ БИЛГАНЛАРГА ҚИЛАМАН ТАЪЗИМ,
СЕНИ БИЛМАСЛАРГА РАҲМИМ КЕЛАДИ.
СОҒИНДИМ
ТОШКАНДА… ТОҒЛАРНИ СОҒИНДИМ,
ЯШИ Л ЎТЛОҚЛАРНИ СОҒИНДИМ.
СУВ БЎЙИГА ЧОРДОНА КУРГАН
МОМОҚАЙМОҚЛАРНИ СОҒИНДИМ.
КЕЧАГИНА ЁМҒИРДА ИВИБ,
ЮРАР ЭДИМ КАПАЛАК КУВИБ,
ШУДРИНГЛАРГА ЮЗИМНИ ЮВИБ…
БОЛАЛИК ЧОҒЛАРНИ СОҒИНДИМ.
ТОШКАНДА ТОНГ ШУНДАЙ БОШЛАНАР:
ҚУЛОҚ ЙИРТАР БАЛАНД ПОШНАЛАР,
ЎЗИМ ТАШНА, МЕНГА ТАШНАЛАР —
ЯЛАНГОЁҚЛАРНИ СОҒИНДИМ.
ЯШИРИБ НЕ ҚИЛДИМ СИЗЛАРДАН,
ЛОЛА ЁНОҚ, ҲИЛОЛ ЮЗЛАРДАН,
ТЎЙДИМ ТИЛЛОБАРМОҚ ҚИЗЛАРДАН,
ҚЎЛИ ҚАДОҚЛАРНИ СОҒИНДИМ.
БИЛГАНИМНИ БИЛГАНЧА БИЛДИМ,
ЙЎҚДАН БОРИН БИНОЛАР ҚИЛДИМ,
ШАҲАР КЕНГ ДЕБ, ЗИНОЛАР ҚИЛДИМ,
УЗОҚ-УЗОҚЛАРНИ СОҒИНДИМ.
АЛДОВЛАРГА ҚОЛДИМ ЎРГАНИБ,
ҚЎРҚИБ ҚОЛДИМ КЎНГИЛ БЕРГАНИ,
КЕЛГАНИМ ЙЎҚ СЕНИ КЎРГАНИ —
ЗИЛОЛ БУЛОҚЛАРНИ СОҒИНДИМ!..
БИЗ БАХТЛИ БЎЛАМИЗ
Н. ГА
МАЙЛИ-ДА, КИМГАДИР
ЁКСА,
ЁҚМАСА,
УЛАРГА ҚЎШИЛИБ
ЙИҒЛАШАРМИ ДИК.
БИЗ БАХТЛИ БЎЛАМИЗ
ХУДО ХОҲЛАСА,
ХУДО ХОҲЛАМАСА
УЧРАШАРМИДИК…
РАЙҲОН ҲИДЛАРИНГНИ
ИЎЛЛАРИМГА СЕП,
КУТ МЕНИ,
ҲАР ОҚШОМ,
КЎККА ОЙ ЧИҚҚАН.
ФАҚАТ, ЙИҒЛАМАГИН,
ГУНОҲИМ НЕ ДЕБ,
АЙБИНГ — ОНАНГ СЕНИ
ЧИРОЙЛИ ТУҚҚАН!..
МЕНГА
БИР ТАБАССУМ
ҲАДЯ ЭТ, ЭЙ ЁР,
HYP ТОМСИН
ЛАБЛАРИНГ
СОҲИЛЛАРИДАН.
УЗИНГ АЙТ,
СЕНДАЙ ҚИЗ
ЯНА ҚАЙДА БОР,
КИПРИКЛАРИ УЗУН —
КОКИЛЛАРИДАН?..
ИЙМАНИБ ЯШАМА
ХАЁЛ ПИНЖИДА,
ЁЙИЛ,
ЯЙРА ЖОНИМ,
ЎРТАНМА ҒАМДА.
ҒИЙБАТЛАРГА ЧИДА,
ТУҲМАТГА ЧИДА,
СЕН БИТТАСАН, АХИР,
ЁРУҒ ОЛАМДА.
МЕН ЭСА
ОШИҒИНГ СЕНИНГ —
ЭНГ ҒАРИБ.
ТУНДАН СЎЗ
ҚАРЗ ОЛИБ,
ТОНГГА ТУТГУВЧИ.
СЕНИНГ ЁНИНГДА ХАМ
СЕНИ АХТАРИБ,
СЕНИНГ ЁНИНГДА ХАМ
СЕНИ КУТГУВЧИ.
ИСТА,
ТИЗ ЧЎКАМАН
ҲОЗИР ОЛДИНГДА,
СЕВДИМ,
СЕВГАНИМДАН
УЯЛМОҚ НЕЧУН.
БАРЧА ФАРИШТАЛАР
СЕНИНГ ҚАЛБИНГДА
ИЖАРАДА ТУРГАН
ҚИЗЛАР МЕН УЧУН!..
ВИЗ БАХТЛИ БЎЛАМИЗ
ХУДО ХОҲЛАСА,
ХУДО ХОҲЛАМАСА,
УЧРАШАРМИДИК?!
БИР КЕЧА
БИР КЕЧА БЕХОСДАН УЙҒОНИБ КЕТСАМ,
ЙИҒЛАБ ЎТИРИБДИ ЮРАГИМ ЮМ-ЮМ.
ЧЎЧИБ ТУРДИМ: СЕНГА НИМА БЎЛДИ, ЭРКАМ,
НИМАГА ЙИҒЛАЙСАН,
МЕН НИМА ҚИЛДИМ?
УНДАЙ ДЕСАМ БЎЛМАС,
БУНДАЙ ДЕСАМ КЎНМАС,
ЧЕКДИМ. ЧИҚИБ СЕКИН ҲОВЛИНИ КЕЗДИМ.
ҲАММА ЮЛДУЗ СЎНДИ. БИР ЮЛДУЗ СЎНМАС —
КЎЗИМГА МЎЛТИРАБ ТУРАР ИЛК СЕВГИМ.
ЮЛДУЗДАН ҲАМ ОЛИС О, СЕН БУЮК ҒАМ,
БУГУН ЎЗИНГ ЙЎҚСАН ФАҚАТ ЁНИМДА.
ҲИЖРОН КУЙИН ЧАЛИБ ҚОН ЎРНИДА ҲАМ
АРМОН АЙЛАНАДИ ЖОНИ ТАНИМДА.
УЙЛАЙМАН, ЎЙЛАЙМАН, ЎЙЛАРИМ УЗУН,
ҚЎЛИМ ҚИСҚА, СЕВГИМ, БЎЙЛАРИМ УЗУН,
ЭНДИ СЕН МЕНИНГ УЧУН ЭНГ УЗУН ЭРТАК,
ЭНДИ МЕНИ ЁМОН ҚИЙНАР БУ ЮРАК!..
ЧЕКАМАН. ТУ ТУНГА ТЎЛАДИ ХОНА,
ИЛК СЕВГИМ МЎРАЛАР ТЎРТ БУРЧАГИДАН.
МЕН ДАЛЛИ, ЮРАГИМ МЕНДАН ДЕВОНА —
ЁТМАЙМАН, ДЕБ ЙИҒЛАР ПАР ТЎШАГИНГДА.
МУҲАММАД ЮСУФ
МАЪЮС КУНИМ КЎЗИМ ТУШСА,
КУЯР ОСМОН, ТУШУНМАЙСАН.
МЕНИ САМО ТУШУНГАЙДИР,
СЕН, ЭЙ ИНСОН, ТУШУНМАЙСАН..
КУЙИБ КЎКСИМ ЎТАР БЎЛСАМ,
ОҚАР БЎЛСАМ, КЕТАР БЎЛСАМ,
МЕНИ ДАРЁ ТУШУНГАЙДИР,
СЕН, ЭЙ УММОН, ТУШУНМАЙСАН.
МЕН ҲАМ ШАЙДО, МЕН ҲАМ МАФТУН,
МЕН ҲАМ ҲЕЧ КИМИ ЙЎҚ МАЖНУН,
МЕНИ ЛАЙЛО ТУШУНГАЙДИР,
СЕН, ЭЙ ЖОНОН, ТУШУНМАЙСАН.
МЕНИНГ ЙЎЛИМ УЗУН АРМОН,
ЎЗИМ ДОВОН, ЎЗИМ КАРВОН,
МЕНИ САҲРО ТУШУНГАЙДИР,
СЕН, ЭЙ САРБОН, ТУШУНМАЙСАН.
МЕНИНГ БОРИМ ЭРУР КЎНГЛИМ,
МЕНИНГ ЁРИМ ЭРУР КЎНГЛИМ,
МАЪЮС ТАНҲО ТУШУНГАЙДИР,
СЕН, ЭЙ ХАНДОН, ТУШУНМАЙСАН…
МАЪЮС КУНИМ КЎЗИМ ТУШСА,
КУЯР ОСМОН, ТУШУНМАЙСАН.
МЕНИ ОЛЛОҲ ТУШУНГАЙДИР,
СЕН, ЭЙ ХОҚОН, ТУШУНМАЙСАН.
КЎНГЛИМ ГУЛ, КЎЗЛАРИМ ГУЛДИР,
ЮЗИМ ГУЛ, ҚЎЛЛАРИМ ГУЛДИР.
МЕНИ САБО ТУШУНГАЙДИР,
СЕН, ЭЙ ТЎЗОН, ТУШУНМАЙСАН…
ҒУБОРИМДИР БЎЙИ РАЙҲОН,
МИНОРИМДИР ТИЛИМ БИЙРОН.
МЕНИ ДУНЁ ТУШУНГАЙДИР,
СЕН, ЭЙ НОДОН, ТУШУНМАЙСАН.
ВАТАНИМ
МЕН ДУНЁНИ НИМА ҚИЛДИМ,
ЎЗИНГ ЁРУҒ ЖАҲОНИМ,
ЎЗИМ ХОҚОН,
УЗИМ СУЛТОН,
СЕН ТАХТИ СУЛАЙМОНИМ,
ЁЛҒИЗИМ,
ЯГОНАМ ДЕЙМИ,
ТОПИНГАН КОШОНАМ ДЕЙМИ,
ЎЗИНГ МЕНИНГ УЛУҒЛАРДАН
УЛУҒИМСАН, ВАТАНИМ…
ШОДОН КУНИМ ГУЛ ОТГАН СЕН,
ЧЕЧАК ОТГАН ИЗИМГА,
НОЛОН КУНИМ ЮПАТГАН СЕН,
ЮЗИНГ БОСИБ ЮЗИМГА.
СИНГЛИМ ДЕЙМИ,
ОНАМ ДЕЙМИ,
ҲАМДАРДУ ҲАМХОНАМ ДЕЙМИ,
ОФТОБДАН ҲАМ ЎЗИНГ МЕҲРИ —
ИЛИҒИМСАН, ВАТАНИМ.
СЕН МАШРАБСАН, ХАЛКДА ТУМОР,
БАЛХДА ДОРГА ОСИЛГАН,
НАВОИЙСАН, ШОҲ ЁНИДА
ФАҚИРНИ ДУО ҚИЛГАН.
ЯССАВИЙСАН, МЕНИКИ ДЕБ,
КЎРИНГАН ДАЪВО ҚИЛГАН,
МИНГ БИР ЁҒИ ОЧИЛМАГАН
ҚЎРИҒИМСАН, ВАТАНИМ.
СЕН ХЎЖАНДСАН,
ЧИНГИЗЛАРГА
ДАРБОЗАСИН ОЧМАГАН,
ТЕМУР МАЛИК ОРҚАСИДАН
СИРДАРЁГА САКРАГАН,
МУҚАННАСАН ҚОРАЧИҒИ
ОЛОВЛАРГА САЧРАГАН,
ШИРОҚЛАРНИ КЎРГАН ЧЎПОН
ЧЎЛИҒИМСАН, ВАТАНИМ.
КИМ ҚАШҚАРНИ ҚИЛДИ МАКОН,
КИМ ЭНАСОЙ ТОМОНДА,
ЖАЛОЛИДДИН — КУРДИСТОНДА,
БОБУРИНГ — ҲИНДИСТОНДА,
БУ ҚАНДАЙ ЮЗ КАРОЛИҒ ДЕБ,
ЁТАРЛАР ЗИМИСТОНДА,
ТАРҚАБ КЕТГАН ТЎҚСОН ОЛТИ
УРУҒИМСАН, ВАТАНИМ…
ЎҒЛИМ, ДЕСАНГ ОСМОНЛАРГА
ҒИРОТ БЎЛИБ УЧГАЙМАН,
ЧАМБИЛ ЮРТДА АЛПОМИШГА
НАВКАР БЎЛИБ ТУШГАЙМАН,
ПАДАРКУШДАН ПАНА ҚИЛИБ
УЛУҒБЕГИНГ ҚУЧГАЙМАН,
ҒИЧИР-ҒИЧИР ТИШИМДАГИ
СЎЛИҒИМСАН, ВАТАНИМ…
ЎТГАН КУНИНГ — ЎТГАН КУНДИР,
ЎЗ БОШИНГГА ЕТГАН КУН,
ҚОДИРИЙНИ БЕРГАН ЗАМИН,
ҚОДИРИЙНИ СОТГАН КУН.
ҚЎЛИН БОҒЛАБ,
ДИЛИН ДОҒЛАБ,
ЕТАКЛАШИБ КЕТГАН КУН,
BOX БОЛАМ! ДЕБ АЙТОЛМАГАН
ДУДУҒИМСАН, ВАТАНИМ.
ЁНИНГДА ҚОН ЙИҒЛАГАН БИР
ШОИРИНГГА ҚАРАБ ҚЎЙ,
ГАР ҚЎҚОНГА ЙЎЛИНГ ТУШСА,
ДЕТДОМЛАРНИ СЎРАБ ҚЎЙ.
ҲЕЧ БЎЛМАСА УСМОН ХОКИН
КЕЛТИРМОҚҚА ЯРАБ ҚЎЙ,
ОЛИСЛАРДА ҚУРИБ ҚОЛГАН
ҚУДУҒИМСАН, ВАТАНИМ…
СЕН — ШОХЛАРИ ОСМОНЛАРГА
ТЕГИБ ТУРГАН ЧИНОРИМ,
ОТА ДЕСАМ, ЎҒЛИМ ДЕБ,
БОШ ЭГИБ ТУРГАН ЧИНОРИМ,
ҚЎЙНИМДАГИ ИФТИХОРИМ,
БЎЙНИМДАГИ ТУМОРИМ,
ЎЗИНГ МЕНИНГ УЛУҒЛАРДАН
УЛУҒИМСАН, ВАТАНИМ!
|
